وداع الملائكة
فوق ضلام العتمة نايم فار صغير حبتين
نام مصدوم عشان حبيبته باعت الشوق والحنين
كان فى يوم حب ما بينهم حب عاش عمره سنين
وأما جت فرصة لحبيبته نسيت الوعد الأمين
قالت الحب يموت لو ما فيش مازة وكاسين
لو مافيش قصر وخدم لأجل ما أفرح حبتين
لأ وجاتله يوم وداعها تطلب من الذكرى يومين
يوم ما شافها حب عمره ويوم وداعها فى لحظتين
جاية والخطوة بطيئة وفى إيديها دبلتين
دبلة الماضى وقساوته ودبلة الفار الثمين
عايزه منه يجى يومها لحظة العُرس الكمين
يفرح زيه زى غيره وينول من القاعدة كاسين
ينبسط ويهز ديله ويعيش مغيب شويتين
يمكن ينسى انه ضايع يسأل نفسه فين ومين
لأ وعايزة إنه يسامحها يا خسارة القلب الحزين
ياخسارة ع الدنيا وما فيها وخسارة الحب المهين
مين يقول إن حبيبته تنسى حبه فى ثانيتين
لأ وعادى تقوله بعتك وانه ماضى من يومين
شد هامته وقال لنفسه إنت فار مش مشين
قام عادل نفسه وباصص للفارة بنص عين
إنتى فاكرة إنى هموت بالكتير هزعل يومين
زيك زى أى حاجه ضاعت منى ومش حزين
لا بالعكس انتى أقل من الحاجه حبه وحبتين
وإنى أنا هعيش وعادى وأقتل الشوق والحنين
تقبلوا خالص تحياتى
Dreamy
موضوع: وداع الملائكة 
الأربعاء نوفمبر 02, 2011 7:50 pm
